La SSMG
La Societad svizra da magistras e magisters gimnasials (SSMG) represchenta e defenda ils interess professiunals e materials da ses commembers e da sias commembras.
Ella s'occupa da la scolaziun da magistras e magisters gimnasials da scolas da furmaziun generala ed encurascha la furmaziun didactica e pedagogica supplementara da sias commembras e ses commembers.
La SSMG represchenta la posiziun da sias commembras e ses commembers en discussiuns davart la politica da furmaziun e sa participescha vi dal svilup da las scolas medias.
Ella infurmescha regularmein commembras e commembers e la publicitad davart temas areguard las scolas medias.
Defender ils interess da magistras e magisters gimnasials ei in'incumbensa varianta. Perquai ei la lavur repartida tranter la SSMG, las associaziuns professiunalas e las associaziuns chantunalas. La SSMG surpiglia tuttas lavurs che ston vegnir tractadas a nivel naziunal. Ella vegn manada da la suprastanza centrala che deleghescha certas lavurs a sia cumissiun gimnasi-universitad (Kommission Gymnasium-Universität KGU).
Ella ei commembra dals pli impurtants gremis a nivel naziunal (p. ex. la Cumissiun da maturitad svizra, ZEM CES). Ina redactura ei responsabla per la revista da la SSMG, Gymnasium Helveticum. Las lavurs administrativas surpiglia il secretariat.